Maykl Jekson ustidan 2005-yildagi sud ishi

Unga 13 yoshli saraton kasalligiga chalingan Gavin Arvizo ismli bolaga nisbatan jinsiy zo‘ravonlik qilganlik aybi qo‘yilgan. Shuningdek, sud hujjatlarida bir nechta bolalarga nisbatan nomaqbul harakatlar, voyaga yetmaganlarni mast qilish, bolani noqonuniy ushlab turish va o‘g‘irlash kabi ayblovlar ham keltirilgan.Sud jarayoni 2005-yil 31-yanvarda hakamlar hay’ati tanlash bilan boshlangan va qariyb to‘rt oy davom etgan. 2005-yil 13-iyunda hakamlar hay’ati Jacksonni barcha bandlar bo‘yicha aybsiz deb topgan.2026-yil fevral oyida AQSh Adliya vazirligi milliarder Jeffrey Epsteinga oid tergov hujjatlarining bir qismini e’lon qildi. Ushbu materiallar orasida ko‘plab mashhurlar va siyosatchilarning nomlari uchraydi.E’lon qilingan hujjatlarda Maykl Jeksonning nomi asosan aloqa ro‘yxatlari yoki ijtimoiy tadbirlar kontekstida qayd etilgan. Ayrim suratlarda u Epshteyn bilan birga ko‘ringan, biroq uchrashuvlarning mazmuni aniq emas.Hozirga qadar Maykl Jeksonning Epshteyn tarmog‘ida tergov qilingani, ayblangani yoki jinoyat faoliyatiga aloqador bo‘lgani haqida dalil taqdim etilmagan. Huquqshunoslar ta’kidlashicha, biror shaxsning aloqa ro‘yxatida tilga olinishi uning noqonuniy faoliyatda qatnashganini anglatmaydi.Maykl Jekson 2009-yilda vafot etgan. Epshteyn bilan bog‘liq katta mojaro esa keyingi yillarda yuzaga kelgan.Maykl Jekson ilgari ham bolalarga nisbatan jinsiy zo‘ravonlik ayblovlari bilan yuzlashgan. Biroq bu ishlar Epshteyn tergovidan alohida bo‘lgan. 2005-yildagi sud jarayonida u 14 ta ayblov bo‘yicha javob bergan, ammo to‘rt oylik suddan so‘ng oqlangan.\r\n2019-yilda Buyuk Britaniyaning Channel 4 telekanalida namoyish etilgan Leaving Neverland hujjatli filmi uning shaxsiy hayoti atrofidagi bahslarni yana kun tartibiga olib chiqqan.\r\nBa’zi ommaviy axborot vositalari, jumladan New York Post, avval e’lon qilinmagan audioyozuvlar haqida xabar bergan. Unda Jekson bolalar bilan yaqin munosabatlari haqida gapirgani aytiladi. Bu bayonotlar jamoatchilik orasida turlicha baholangan.\r\nShuningdek, Neverland ranchida bolalarning ota-onasiz tunab qolishi masalasi ham yillar davomida bahsli mavzu bo‘lib kelgan.\r\n2026-yil yanvar oyida Cascio aka-ukalari Los-Anjeles sudida yana bir eshituvda ishtirok etishdi. Ular bolaligida Jackson tomonidan zo‘ravonlikka uchraganini da’vo qilmoqda.Ma’lumotlarga ko‘ra, Cascio oilasi ilgari Jackson bilan yaqin aloqada bo‘lgan va uni qiyin davrlarda qo‘llab-quvvatlagan. Avval ular san’atkorni ochiqchasiga himoya qilgan, biroq keyinchalik o‘z pozitsiyasini o‘zgartirgan.Jacksonning merosini boshqaruvchi tashkilot — The Michael Jackson Estate — ushbu da’volarni rad etmoqda va ilgari tuzilgan kelishuv buzilayotganini ta’kidlamoqda.Tomonlar o‘rtasida oldin maxfiy kelishuv tuzilgani aytiladi. Hozirda sud masalani ko‘rib chiqmoqda, yakuniy qaror hali e’lon qilinmagan.Shaxsiy hayoti atrofidagi tortishuvlarga qaramay, Michael Jackson nomi hanuz jamoatchilik e’tiborida. Bu yil uning hayoti haqida “Michael” nomli biografik film namoyish etilishi rejalashtirilgan. Filmga Antoine Fuqua rejissyorlik qilgan.Jackson (1958–2009) musiqiy faoliyatini yoshligida The Jackson 5 guruhi bilan boshlagan. 1982-yilda chiqqan Thriller albomi esa tarixdagi eng ko‘p sotilgan albomlardan biri hisoblanadi.U 13 ta Grammy mukofotini qo‘lga kiritgan va zamonaviy pop musiqasining rivojiga katta hissa qo‘shgan san’atkor sifatida e’tirof etiladi.2009-yilda vafot etganidan so‘ng uning barcha aktivlari vasiyatiga muvofiq The Michael Jackson Estate tomonidan boshqarilmoqda. Ayrim moliyaviy nashrlar prognoziga ko‘ra, uning merosi qiymati 2025-yilga kelib milliardlab dollarga yetgan.